[536]
Versaille den 22 Mertz 1715.
Hertzallerliebe Louisse, dieße woche habe ich kein neü
schreiben von Eüch entpfangen, alß daß ich vergangenen dinstag
beantwortet habe. Wir haben gar nichts neües erfahrn. Chur-Bayren
hatt heütte hir abschidt genohmen, geht morgen mitt dem tag weg.
Er hatt dicke augen, muß braff geweint haben, welches mich recht
wunder nimbt. Aber last unß von waß anderst reden! Vor dießem
hatt mir unßere liebe churfürstin alß geschrieben, daß die
naredeyen, so ich von hir [geschickt], I. L. die printz[essin] von Galle
lachen machten; derowegen schicke ich Eüch ein gar doll
gedrucktes. Wen Ihr meint, daß dießes I. L. ein augenblick könte lachen
machen, so gebts ihr mitt viel complimenten von meinetwegen!
Adieu! Ich ambrassire Eüch von hertzen undt behalte Eüch all
mein leben lieb undt wünsche, daß [das] schönne undt gelinde
wetter Eüch gesundt machen wirdt.
